முகலிங்கம் முகலிங்கேஸ்வரர் கோயில் 4: மைய விமானம்

 

விமானம் - கலிங்க நாகர ரேக வகை விமானம்.
பாட, கண்டி, மஸ்தகம் என்னும் மூன்று அங்கங்கள். பாட வில் பாபாக என்னும் அதிட்டானப் பகுதி, ஜாங்க எனும் சுவர்ப் பகுதி, பரண்ட என்னும் கூரைப் பகுதி ஆகியவை அடங்கும்.  மஸ்தகத்தில் பெகி என்னும் கிரீவம், ஆமலகம், கலசம் முதலியவை உள்ளன.
ஜாங்க எந்த அலங்காரங்களும் கோட்டங்களும் இல்லாமல் வெற்றுச் சுவராக உள்ளது. பெயரளவுக்கும் மூன்று ரதங்களாகப் (பத்தி) பிரிக்கப்பட்டுள்ளது.
கண்டியும்  திரிரதமாக உள்ளது. அதன் நடு ராஹா பக மட்டும் ரேக நாகர அமைப்பும் அலங்காரமும் பெற்றுள்ளது. இரு பக்க கனிக பக பிடாக்கள் போன்ற கட்டுமானமாக உள்ளன. பூமி பிரிப்பு, பூமி அம்லா ஆகியவை காணப்படவில்லை. சிகத்தின் மேல் நான்கு மூலைகளிலும் நான்கு சிங்கங்கள் அமர்ந்துள்ளன. இரட்டை ஆமலகங்கள். 

பாபாக (அதிஷ்டானம்) - கீழிருந்து மேலாக குர, கும்ப, பட ஆகிய மூன்று கலிங்க நாகர உறுப்புகளைப் பெற்றுள்ளது. வித்தியாசமாக மேல் இரண்டு உறுப்புகளுக்கு இடையே திராவிட உறுப்பான கம்புகளோடு கூடிய கண்டம் உள்ளது தனித்துவமானது. அதிட்டானமும் ஜாங்கவின் திரிரத அமைப்பை பிரதிபலிக்கிறது. மேலே உள்ள கபோதம் போன்ற அமைப்பில் கீழ் ஒரத்தில் ரத்தின பட்டை அலங்காரமும் அதன் மேல் கவக்ஷா ( நாசி) க்களும் உள்ளன.

கண்டியின் தெற்குப் பக்கத்தில் உள்ள வஜ்ர மஸ்தகத்தில் (மகா நாசி) கீழே கணேசர் மேலே லகுலீசர் அவரது நான்கு சீடர்களுடன்.

கண்டியின் மேற்குப் பக்கத்தில் உள்ள வஜ்ர மஸ்தகத்தில் மயில் மீது கார்த்திகேயர்

கண்டியின் வடக்குப் பக்கத்தில் உள்ள வஜ்ர மஸ்தகத்தில் மகிடற்செற்றாள். தெற்கில் பிள்ளையார், மேற்கில் கார்த்திகேயர், வடக்கில் மகிடற்செற்றாள் ஆகிய மூவரும் அத்திசைகளுக்கு உரிய 'பார்சுவதேவதைகள்' ஆவர். ஜாங்காவின் மைய முண்டியில் (தேவகோட்டம்) இருக்க வேண்டியவர்கள். இந்த விமானத்தில் ஜாங்காவில் முண்டி எதுவும் இல்லை. ஆனால் தமக்குரிய திசைகளில்  வஜ்ர மஸ்தகத்தில் உள்ளனர்.

பிரநாளம் - நாகராஜன் கையில் குடம் போல
(இது கோயிலின் கூரையில் இருந்து எடுக்கப்பட்டு இங்கே பொருத்தப்பட்டதாக Douglas Barrett கூறுகிறார் - Mukhalingam temples by Douglas Barrett page 10). இது போன்ற பிரநாளங்கள் கூரையில் இப்போதும் உள்ளன.


துணை:

Douglas Barrett; Mukhalingam temples; 1960
Mary F Linda; Narayanapuram A 10th century site in Kalinga; Artibus Asiae; Vol. 50, No. 3/4 (1990), pp. 232-262


Comments

Post a Comment

Popular posts from this blog

முகலிங்கம் முகலிங்கேஸ்வரர் கோயில் 1 - இடம், மதில்கள், நுழைவாயில்கள்

Image
அமைவிடம் முகலிங்கம் ஆந்திரப் பிரதேசத்தின் ஸ்ரீகாகுளம் மாவட்டத்தில் வம்சதாரா நதியின் கிழக்குக் கரையில் அமைந்துள்ள ஒரு கிராமம். ஸ்ரீகாகுளம் நகரத்திலிருந்து (அருகில் உள்ள ரயில் நிலையம்) 48 கி.மீ, விசாகப்பட்டினத்திலிருந்து (அருகில் உள்ள விமான நிலையம்) 160 கி.மீ, ஒடிஷாவின் பர்லகமுண்டியில் இருந்து33 கிமீ தொலைவில் அமைந்துள்ளது. வரலாறு வரலாற்று ரீதியாக முகலிங்கம் 6 முதல் 12 ஆம் நூற்றாண்டு வரை கிழக்கு கங்க வம்சத்தின் தலைநகராக விளங்கியது. அப்போதைய பெயர் கலிங்கநகரி. 1122 ஆம் ஆண்டில் மன்னர் அனந்தவர்மன் சோடகங்க தேவர் உத்கலாவை கைப்பற்றி, தலைநகரை கலிங்கநகரியிலிருந்து கடகாவிற்கு (நவீன கட்டாக்) மாற்றினார். 1936 க்கு முன்பு இது மதராஸ் ராஜதானியில் பிரிக்கப்படாத கஞ்சம் மாவட்டத்தின் கீழ் இருந்தது.  கோயில்கள் முகலிங்கத்தில் மூன்று கீழை கங்கர் கால சிவன் கோயில்கள் உள்ளன- முகலிங்கேஸ்வரர் என்னும் மதுகேஸ்வரர், சோமேஸ்வரர் மற்றும் பீமேஸ்வரர்  முகலிங்கேஸ்வரர் கோயில் முகலிங்கேஸ்வரர் கோயில், முகலிங்கம் கல்வெட்டுகளில் மதுகரேஸ்வரர் என்று பெயர். தொடக்க காலக் கலிங்க பாணிக் கலை வடிவம் 1 -வெளி மதில். 2 - வெளி...
Read more

முகலிங்கம் முகலிங்கேஸ்வரர் கோயில் 3 : ஜகமோஹனம் - 2: வடக்குப் பகுதி

Image
  வடமேற்கு மூலை விமான அமைப்பு ஜகமோஹனத்தின் வடமேற்கு மூலை விமானம் - வடக்குப் பக்கம் வடமேற்கு மூலை விமானம் - வடக்குப் பக்க வஜ்ர மஸ்தகம் மேற்கு முண்டி - சூரியன் (படம் நன்றி: G.N. Subrahmanyam, CC0, via Wikimedia Commons) நடு முண்டி - கார்த்திகேயன் காகபக்ஷ முடி அலங்காரம், வலது பக்கம் மயில் (படம் நன்றி: G.N. Subrahmanyam, CC0, via Wikimedia Commons) இணையர் (படம் நன்றி: G.N. Subrahmanyam, CC0, via Wikimedia Commons) ஜகமோஹனத்தின் வடக்குச் சுவர் சிற்பங்கள் ஜகமோஹனத்தின் மேற்கு ஜாங்க சிற்பங்கள் (PC: Bharat Kumar Perumalla via Google maps) மேல் பகுதி (படம் நன்றி: G.N. Subrahmanyam, CC0, via Wikimedia Commons) மேற்கில் இருந்து கிழக்காக: 1. கருடன். இருபக்க இறக்கைகள் இவரை அடையாளம் காட்டுகின்றன. இரு கைகள். வலது கையில் அக்கமாலை கொண்டு இடது கையை கையை ஒரு தடி மீது வைத்து ஸ்வஸ்திகாசனத்தில் நிற்கிறார். குந்தளக் கொண்டையாய் முடிந்த தலைமுடி. நாகாபரணங்கள் பல அணிந்திருக்கிறார். கழுத்தில் அணிந்த பாம்பின் தலை வலது புறம் நீண்டுள்ளது. இரு பாம்புகளை தோள்வளைகளாகவும் மற்றொரு பாம்பை உதர பந்தமாய...
Read more

முகலிங்கம் முகலிங்கேஸ்வரர் கோயில் 2 - ஜகமோஹனம் - 1 கிழக்கு, தெற்குப் பகுதிகள்

Image
ஜகமோஹனம் இந்தக் கோயிலின் ஜகமோஹனம் தொடக்கக் கால கலிங்கக் கட்டடக் கலைப்படி உட்புறத் தூண்களால் தாங்கப்படும் தட்டையான கூரையுடன் அமைந்தது. வரிசைக்கு மூன்றாக இரு வரிசை வேலைப்பாடற்ற சதுர வடிவத் தூண்கள். பிற்காலத்தில் ஜகமோஹனங்களின் கூரைகள் பிரமிட் வடிவ பிடா வகையில் அமையத் தொடங்கின. ஜகமோஹனம் மூன்று பக்கங்களில் வாயில்களைக் கொண்டுள்ளது. கிழக்கில் முதன்மை வாயில். தெற்கில் ஒரு வாயில். மேற்கு வாயில் கருவறையின் வாயிலாக உள்ளது. இந்த ஜகமோஹனத்தின் சிறப்புக் கூறு அதன் நான்கு மூலைகளாக அமைந்து  இருக்கும் சிறு விமான அமைப்புகள். புவனேசுவரத்தில் உள்ள பைதால தேவுலத்திலும் இது போன்ற அமைப்பு உள்ளது. இவை கருவறைகள் இல்லாத அலங்கார விமான அமைப்புகள். மூன்று ரத மூன்று பூமி விமானங்கள், மூன்று உறுப்புகளைக் கொண்ட அதிட்டானம். பிரிக்கப்படாத ஜாங்கத்தில் மூன்று ரதங்களில் மூன்று தேவகோட்டங்கள். (படம் நன்றி: ASI Instagram page) கிழக்கு வாயில் முதன்மையான கிழக்கு வாயிலும் இரு மூலை விமான அமைப்புகளும் (படம் நன்றி:  ASI Instagram page) கிழக்கு முதன்மை வாயில். இதை இந்தியக் கோயில் வாயில்களில் மிகவும் அழகானது என்று டக்லஸ் ...
Read more